Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Dellos barrios xixoneses tendrán en pasando dos meses 850 nueves places d'aparcamientu

Votos

(Total de votos recibidos 136)

(Puntuación 3,04)

Dellos barrios xixoneses tendrán en pasando dos meses 850 nueves places d'aparcamientu
L'añu pasáu hebo en Xixón un parque móvil alredor de 135.000 coches
Dellos barrios de la ciudá dispondrán dientro de dos meses de 850 nueves places d'aparcamientu en paralelo, alcordies cola anuncia de la Conceyala de Seguridá Ciudadana y Movilidá, Dª Begoña Huergo, que rescampló tamién que se pondrán balices lluminoses en cuarenta pasos de peatones de la ciudá. La primera estaya del Plan d'Ampliamientu d'Aparcamientos en barrios, que se desendolcará nel plazu de dos meses, tien previsto crear 350 estacionamientos nel barriu de Pumarín -nel que yá se ficieron en febreu 120- que se realizarán nes cais d'Andalucía, Estremadura, Roncal, Badaxoz, Guipúzcoa, L'Alcarria y Xapón. En Montevil habrá 80 nueves places nes víes que vienen darréu: Teniente Xenral Gutiérrez Mellado; Azorín e Irene Fernández Perera. N'El Llano fadránse 160 nes cais: Alfonsu Camín, Xuan Alvargonzález y Eleuteriu Quintanilla. Amás, nel barriu La Calzada habrá un total de 90 nueves places d'aparcamientu na cai Brasil, Los Andes y Les Industries; en Nuevu Xixón construiránse al rodio de 50 estacionamientos na cai Peñasanta d'Enol y Naranco Bulnes. D'otramiente, na zona centru actuaráse tamién, anque'en menor midida, nel aumentu de llugares p'aparcar, per aciu del afayamientu de 21 espacios más en Cimavilla. Toles places que recueye esti plan d'ampliamientu d'aparcamientu tán en zones llibres de pagu. El Plan d'Instalación de Balices Lluminoses en pasos de peatones tien previsto collocar 200 dispositivos en cuarenta puntos de cruciamientu allugaos na nomada "Zona 30" del centru urbanu (área de la cai San Bernardu), cai Pedru Duro-cai Felipe Menéndez, cai Los Moros-cai Tomás y Valiente, y Begoña. Trátase d'un mecanismu pernuevu, que sobresal un centímetru del suelu y que tenta de facer los pasos de cebra más visibles, col envís d'amenorgar la siniestralidá. Esta primera estaya d'incrementu d'aparcamientos y d'instalación de balices, vedráse ampliada en pocu tiempu n'otros barrios xixoneses. Peles cais de Xixón, van nes hores de máxima circulación , una media de 50.000 vehículos, nos que viaxen una o dos persones, mentanto que l'autobús urbanu, faciendo al rodio de 24 viaxes diarios, tresporta un total de 80 individuos; poro, cada vehículu de la Empresa Municipal de Tresportes Urbanos (EMTUSA) que viaxase enllenu restaría de les víes públiques un total de 53 automóviles.
Palabras clave 2010, Gijón, Bus